Asgjë e jashtëzakonshme

Antonio Muñoz Molina

 

Me rrugëtimin e një shkrimtari drejt një destinacioni ku do të jetë dëshmitar

ngjarjesh të çuditshme fillon përmbledhja e plotë e prozës së shkurtër të

Antonio Muñoz Molina-s... Tek "Asgjë e jashtëzakonshme" zbulohet

një Antonio Muñoz Molina zbavitës, vetëkritik dhe i pazakontë.

Një humor i mprehtë kullon përmes këtyre tregimeve tmerri, dashurie dhe

vdekjeje, në të cilat shfaqja e papritur e skenave në stilin më të pastër të zhanrit

fantastik ngërthen vetinë e mbajtjes pezull, të magjepsjes së lexuesit

dhe të shumëfishimit të leximeve të rrëfimit.

 

 

Për autorin

 

Antonio Muñoz Molina (1956) është një ndër autorët më të njohur e

më të përkthyer të letërsisë së sotme spanjolle. Autor i mëse dhjetë romanesh,

ai është fitues i mjaft prej çmimesh të rëndësishme kombëtare e ndërkombëtare.

Në vitin 2013, u shpall fitues i Çmimit të Princit të Asturias për Letërsinë.

Në vitin 1996, Antonio Muñoz Molina u zgjodh anëtar i Akademisë Mbretërore të Spanjës.

Jeton mes Madridit dhe Nju Jorkut. Ky është libri i tij i parë që përkthehet në shqip.